Pfingsten 1

Pfingsten (1992)

 

Erz. 1: Me hon üch jedes Joar abes von fröer erzahlt. Dos wonn me hüht au so mach.
Hüht wonn me üch erzehl, be’s fröer zer Pfingste woar.

 

Erz. 2: Pfingste is jo för de Schnälicher e wechtich Fäst.
Net nör well se’s  Trochtefäst hüht mache.
Vör zwähonnert on zwäefoufzg Jarn woar ons hüsch kley Kirche ihgeweiht. Un so is Pfingste bey ons där Geboartsdoag der Gemey un där Kirche.

 

Erz. 1: Bos mey ärusgefonne hon, is, daß de Schnälicher schon fröer ze Pfingste düchtig gefiert hon.
Vor hunnert un än Joar woar ämo ze Pfingste so ä grosser Frohst u Schneesturm, doß de Lüht kuhm ussen Hus konne gegäh. Se schinne derhey  gefiert ze honn.
Do hot e Schnälicher Lehrer in de Chronik geschrewe, doß so muncher Schnälicher ä roht Noas hatte, de net aley von dän starke Frohst herrohrt.

 

Erz. 2: Awer meystens is doch hüsch Wähder.
Pfinste woar vör allen ä Fäst för de Kenner. Do fröhde se sich schon es gonz Joar offs Bornbotze.
Ä boar dö derför ginge se ümher on sommelte Gäld för de Blommekränz bey dän Lühte, de öhr Wasser in dän Born holte.
Se bruchte s’Geld för Rosepapeer, Bennfohde un Ringe för de Blommekränz.

 

Kind 1: Be vill höt ö donn gekricht?

 

Kind 2: Der Jöfried hot mey zwe Pfennich gegoant.

 

Kind 3: Der Bartel drey. Här hot gesöht, me solle ons jo ohsträng unnen born hüsch botz.

 

Junge 4: Nör de Stöffels Klara hot nis üwer gehoht. Net en Pfennich (laut). Dos all gizg Luder!

 

Kind 2: Sey ruhich! So  abes spricht me doch net!

 

Junge: Brüm donn? Se hot`en Born deräkt vörer Hustür un se kricht de hüsche Kränzerle noch on örn Beetzuh gehonge!
De all Spützeschlingere!

 

Kind 3: Psst. Paß uff, doß ses net noch hört!
Mey hot`se gesöhd, vörnjoar hätte me uns key groß Möh gegoant.

 

Kind 2: Dos hot de doch nör gesöht, well öhr Dödle nis von dän Gäld gekricht hot, bos üwer woar.

 

Kind 3: Dos giht`s doch net! De hot doch net vill gemocht un hot ä hall Düdle Zockerstey gekrecht!

 

Junge: Loß sey!

 

Kind 1: Söht mey ämo. Bos wonn me donn för Sprüch in de Kränzerle schrie?
Ich musse disjoar erscht minner Mudder Zeich. S`lätzt Joar hat där Lehrer fünf Fähler in min Spruch gefunne.

 

Junge: Lott mich nör mach!

 

Kind: Dos is hüsch.Dey konn dos net passeer! Do sitzt jo au in där lätzte Bank inner Schul.

 

Erz.: Nachdem alles beschafft woar, ginge de Mäche uff de Wiese un mochte Blummestrüß.
Se holten Margerite, Glockenblume, Mohnblume, Gogogele (Türkenbund) un Glootsblumme. (Trollblume)
De Wiese woarn jo domols be ä richdicher Blommeteppich.

 

Erz.2: De Jonge ginge in `Wahld un holte de schönste Maistrüß von Birke un Lärche.
Derhey in ner Schörn ging`s donn erscht richtich lustich zo.
De Maie woarn mit Schleyfe us Rosepapeer gepotzt un de Kränzerle gebonne. Derbey worn Leder gesunge on ville Späß gemocht.
En Sonndichmorche in aller Fröh woar donn där Born gebotzt.

 

Kind 1: Mey hon dän schönste Born, hot ö donn än Spruch mitgebrocht?

 

Kind 2: Jo, ich hon en (liest vor):

 

Kind 1: Do könnt jo där Caspar (Kosper)!
Hoste donn din Spruch derbey?

 

Junge: Wart erscht! Ich honnen hüsche!

 

 

Alles hot dän Born geschmückt

nor de Stöffels Klara net.

 

Mädchen 1: So, jetzt gemmme erscht mo dennenoh ben onnere Born.
Mo seh, bos de vör Öpfel üffgestählt hon.
De hon bestömmt net so hüsche Blomme be mey!
De konne doch key Gogogele vonner Distel önnerschied!

 

Erzähler: So hon sich de Kinner gefoppt, don jedes woll en schönste Born hoh.